Қарағандыда монша кешені өртеніп кетті (фото)
Опубликовано:
Қарағандыда екі қабатты монша кешені өртеніп кетті. Келушілер тысқа өздері шығып үлгерген деп хабарлайды NUR.KZ тілшісі.
Өрт 5 қаңтарда Ермеков көшесі бойында орын алған. Өрт сөндірушілер төтенше жағдай орнына келген кезде екі қабатты монша кешенінің сыртқы қабырғасы мен шатыры жанып жатқан.
Жалын 130 шаршы метрді шарпыған. Бір сағаттан кейін өрт толығымен сөндірілді.
Оқиға орнында 12 өрт сөндіру техникасы мен 45 өрт сөндіруші жұмыс істеді. Зардап шеккендер жоқ.
Мақаланың түпнұсқасы: https://kaz.nur.kz/accidents/1771849-karagandyda-monsa-keseni-rtenip-ketti-foto/
