Футболдан Қазақстан құрамасының және "Қайрат" клубының капитаны Бауыржан Исламхан екінші рет әке атанды. Футболшы жігіттің отбасында қыз бала дүниеге келген деп жазады NUR.KZ.
Бұл қуанышты хабарды футболшының сүйіктісі өзінің Instagram парақшасында мәлімдеген.
"Біздің кішкентай ханшайымымыз. 09.01.2019. Бүгін таңғы 8:15-те мен екінші мәрте ана атандым. Не деген бақыт. Біздің әлемге қош келдің қызым" , - деп жазды Еркежан Талғатбекова.
Желі оқырмандары қызды болған ата-ананы құттықтап, өз тілек-ниеттерін жаудырды.
Айта кетейік, бұл Бауыржан Исламханның екінші перзенті. Ерлі-зайыптылардың тағы Ибраһим есімді ұлы бар.
Еске сала кетейік, бұған дейін Бауыржан Исламханның әйелімен ажырасып кеткені туралы қауесет тараған болатын.
Мақаланың түпнұсқасы: https://kaz.nur.kz/sport/football/1772420-tanymal-futbolsy-bauyrzan-islamhanga-zbajy-kyz-syjlady/