Астана тұрғыны 555 рет жол ережесін бұзған (видео)
Опубликовано:
Астаналық тұрғын 555 рет жол ережесін бұзып, оған 6 млн теңгеге жуық айыппұл салынды. Ер адам Kia Rio және Škoda маркалы екі автокөлікке бір нөмір тағып алып жүрген деп хабарлайды Елорда Инфо.
Астана жолдарында жүрген отыз көлік иесінің айыппұлы миллиондаған теңгені құрады. Оларды қазір полиция іздеу үстінде. Ал оларға тиісті айыппұлдың жалпы сомасы 106 858 960 теңге болған
6 225 405 теңге айыппұл жол ережесін 555 рет бұзған жүргізушіге тиесілі.
"Астанада өткен жылдың сәуір айынан бастап Полиция департаменті "Борышкер" жедел-алдын алу іс-шараларын өткізді. Осы уақытта Астана аумағындағы сондай-ақ барлық "Рубеж" бекеттеріндегі көлік қозғалысын бақылаудың автоматты жүйесін, электрондық планшеттерді және "Сергек" аппараттық-бағдарламалық кешенін пайдалана отырып, әкімшілік айыппұл бойынша қарызы бар азаматтар анықталды.
Жедел-алдын алу іс-шараларын өткізу кезінде базада жоқ, жалған немесе шетелдік нөмірлер мен жалған мекен-жай көрсетілген 800-ге жуық жүргізуші тоқтатылды", - делінген хабарламада.
Мақаланың түпнұсқасы: https://kaz.nur.kz/society/1772624-astana-trgyny-555-ret-zol-erezesin-bzgan-video/