Талдықорғанда аяусыз өлтірілген такси жүргізушісінің денесі табылды

Талдықорғанда такси жүргізушісін белгісіз біреулер аяусыз өлтіріп кеткен. Қазір 42 жастағы ер адамның өліміне қатысты істі полиция тергеу үстінде деп хабарлайды Sputnik Қазақстан.

Ер адам желтоқсан айының соңында із-түзсіз жоғалып кеткен.

"Golf 3" маркалы өртенген көліктің фотосы жергілікті kris_p_tdk парақшасында жарияланған.

Алматы полиция департаментінің мәліметінше, қазіргі уақытта қылмыстық кодекстің 99-бабына сәйкес қылмыстық тергеу жұмыстары жүріп жатыр.

"Автокөлік 5 қаңтарда табылды. Тексеру кезінде иномарка өткен жылдың соңында із-түзсіз жоғалып кеткен 42 жастағы жергілікті тұрғынға тиесілі екені анықталды. 7 қаңтарда табылған зардап шегушінің мәйітінде зорлық пен өлтірудің айқын белгілері бар", - деп хабарлады Алматы облысы полиция департаментінің баспасөз қызметі