АҚШ азаматы қазақстандық әйелдің жоғалған 10 мың долларын тауып берді (видео)
Опубликовано:
Қазақстандық әйел Айя Түлемағанбетова Нью-Йорктегі метроның бірінде сөмкесін жоғалтып алған. Ішінде 10 мың доллары бар сөмкені арада бірнеше уақыт өткенде АҚШ тұрғыны өз иесіне қайтарған деп жазады newyork.cbslocal.com сайтына сілтеме жасаған NUR.KZ.
Қазақстандықтың айтуынша, ол көп мөлшердегі қаражатты балаларына мерекелік сыйлық алуға жұмсамақ болған.
Өзіне сөмкесін қайтарған 63 жастағы Ричард Тавернаға риза болған Түлемағанбетова АҚШ тұрғындары жайлы ойының өзгергенін жасырмады.
"Ричард - өте адал адам екен. Осы оқиғадан кейін менің АҚШ тұрғындары жайлы пікірім өзгерді", - дейді Айя.
Үлкен көлемдегі қаражаты өзіне қайта оралған әйел оның 1000 долларын қайырымдылыққа жұмсаса, сөмкесін қайтарған Ричардқа "Алтын адам" тәріздес кәдесый табыс еткен.
Мақаланың түпнұсқасы: https://kaz.nur.kz/society/1772675-aks-azamaty-kazakstandyk-jeldi-zogalgan-10-my-dollaryn-tauyp-berdi-video/
