Алматы маңында аударылып қалған Toyota жанармай бекетіне кіріп кетті (фото, видео)
Опубликовано:
Талғар жолында, Тұздыбастау елдімекенінде жол көлік апаты орын алып, Toyota Carina мен Mercedes соқтығысты деп хабарлайды Zakon.kz сайтына сілтеме жасаған NUR.KZ.
Жапондық көлік Алматыға қарай, ал Mercedes Талғарға қарай кетіп бара жатқан.
Неміс көлігінің жүргізушісі қарсы бағытқа шығып кетіпті. Онымен соқтығыспау үшін Toyota жүргізушісі рөлді бұрған, дегенмен көлік оны сырып соққан.
Соққы нәтижесінде көлік аударылып, сырғып барып жанармай бекетіне кіреді.
Аударылған көлік жүргізушісі жарақаттармен ауруханаға жеткізілді.
Куәгерлер Mercedes жүргізушісі оқиға орнынан қашып кетпек болғанын жеткізді. Бірақ оны қуып жетіп, тәртіп сақшыларының қолына тапсырған.
Жол-көлік оқиғасы бақылау камераларына түсіп қалған.
Мақаланың түпнұсқасы: https://kaz.nur.kz/society/1772779-almaty-maynda-audarylyp-kalgan-toyota-zanarmaj-beketine-kirip-ketti-foto-video/