Түркістан облысында ер адам бөтелкелесінің басына пышақ сұғып өлтірген
Опубликовано:
Түркістан облысы, Ордабасы ауданында кешкісін көңіл көтеріп, бірге ішімдік ішпек болған екі ер адамның арасында туындаған жанжал соңы кісі өлімімен аяқталды деп хабарлайды өңірдегі NUR.KZ тілшісі.
Күдікті азамат бөтелкелесінің басына пышақ сұғып алыпты. Жəбірленуші аудандық ауруханада көз жұмған.
Өткен жылдың 23 қарашасында болған қанды оқиғаға күдікті деп танылған ордабасылық тұрғынға Қылмыстық кодекстің 99 бабы, 1-ші бөлігі, "қасақана кісі өлтіру" бойынша айып тағылды.
Ордабасы аудандық соты күдіктіні тергеу уақытында екі ай мерзімге қамап, күзетпен бұлтартпай шарасын қолдану туралы санкция берді.
Мақаланың түпнұсқасы: https://kaz.nur.kz/accidents/1772796-trkistan-oblysynda-er-adam-btelkelesini-basyna-pysak-sgyp-ltirgen/