Сауап жазылады: Шариғатта қандай жағдайда өтірік айтуға рұқсат етілген?

Соңғы уақытта өтірік айту адам баласына қалыпты істің бірі болып барады. Кейде тіпті, өз өтірігімізге өзіміз сеніп қалатын халде боламыз. Ал шариғат бойынша адамдарға қандай жағдайда өтірік айтуға рұқсат етілген? Бұл сұраққа Islam.kz сайтына сілтеме жасаған NUR.KZ жауап береді.

Жалпы шариғат бойынша, адам баласына үш жағдайда өтірік айтуға рұқсат берілген. Тіпті, бұл өтірік сөздерді айтқан пенделерге күнә емес, сауап жазылады екен.

Оның алғашқысы - араздасып қалған екі досты татуластыру үшін айтылатын өтірік болса, екіншісі- жаудан құтылу үшін айтылатын өтірік.

Ал үшіншісі - жұбайларды жарастыру үшін ойластырып, айтылатын сөз екен.

Ал бұдан басқа жағдайда өтірік сөйлеу үлкен күнә болып табылады. Тіпті, бір адамды асыра мақтау үшін немесе әңгімеге "тұздық" болсын деп өтірік қосып жіберуге болмайды.