RU

Ақмола облысында жанармай бекетін тонаған полицей бес жылға сотталды

Ақмола облысында жанармай құю бекетін тонап кеткен полиция қызметкеріне сот үкімі шықты деп хабарлайды ҚазАқпарат-қа сілтеме жасаған NUR.KZ.

Көрнекі фото: otyrar.kz
Көрнекі фото: otyrar.kz: Facebook

Қылмыс 2018 жылдың 5 қазанында таңғы сағат 04:00-де орын алған.

Шортанды ауданының ІІБ Уақытша изоляторының бұрынғы басшысы - 39 жастағы полиция қызметкері бетперде, қолғап, күрте киіп, "Вепрь-223" аңшы мылтығымен "ҚазМұнайГаз" жанармай бекетін тонапты.

Аталған жанармай бекеті "Астана-Көкшетау" тас жолының бойында қоныс тепкен Шортанды елді мекенінен 1 шақырымдай жерде орналасқан.

Қарақшы полицей тонау кезінде бекеттің кассирін қорқытып, ақшаны алған бетте оқиға орнынан қарасын суытыпты.

Күдікті жанармай бекетінің иесіне 1 184 230 теңге материалдық шығын келтірген.

Қылмыскер кінәсін толық мойындап, өз еркімен материалдық және моральдық шығынның орнын толтырды.

Осыған байланысты күдіктіні Қылмыстық кодекстің 192 бабы 2 тармағы, 3 тармақшасы бойынша 5 жылға бас бостандығынан айырды.

Мақаланың түпнұсқасы: https://kaz.nur.kz/1773315-akmola-oblysynda-zanarmaj-beketin-tonagan-policej-bes-zylga-sottaldy.html