RU

Қостанай облысында ауыл тұрғыны өзінің бауырын пышақтап өлтірген

Қостанай облысындағы Қарабалық ауданында тұратын ер адам өзінің туған бауырын пышақтап өлтірген деп хабарлайды Sputnik Қазақстан.

Қостанай
Көрнекі фото: sputniknews.kz: UGC

2018 жылдың 26 желтоқсанында полицияға жергілікті тұрғын хабарласып, ауылда ер адамның мәйіті табылғанын хабарлаған.

Жедел шаралар жүргізілген соң, ағайындылардың үйде отырыс жасағаны белгілі болды. Әңгіме барысында олардың арасында дау шығып, соңы ұрысқа ұласқан.

Жанжал барысында олардың бірі сөз көтере алмай, бауырына пышақ жарақатын салған. Жәбірленуші азамат сол жерде қайтыс болады.

Аталған факті бойынша Қылмыстық кодекстің 106-бабы 3-бөлігі бойынша сотқа дейінгі тергеу жүргізіліп жатыр.    

Мақаланың түпнұсқасы: https://kaz.nur.kz/1773415-kostanaj-oblysynda-auyl-trgyny-zini-bauyryn-pysaktap-ltirgen.html