Ақтөбеде 1 миллион теңгеге бостандықты уәде еткен шендінің басы бәлеге қалды

Ақтөбе колония бастығының орынбасары Нұрмахан Рақымжанға алаяқтығы үшін 9 миллион 600 мың теңге көлемінде айыппұл салынған хабарлайды diapazon сайтына сілтеме жасаған NUR.KZ.

Нұрмахан Рақымжан Ақтөбе қаласындағы 168/2 түзету мекемесі басшысының орынбасары қызметін атқарған.

Ол сотталушыға 1 миллион теңгеге мерзімінен бұрын бостандыққа шығуына уәде берген. Нәтижесінде ол өзі айыпталушылар орнынан табылған.

Сот алаяқтығы үшін Нұрмахан Рақымжанды кінәлі деп танып, оған 9 миллион 600 мың теңге көлемінде айыппұл салған.

Сондай-ақ, өмір бойына мемлекеттік қызметте жұмыс істеуіне тыйым салған.