Сенатор оқушылардың жыныстық сауатын ашатын пән енгізуді ұсынды
Опубликовано:
Сенат депутаты Сәуле Айтбаева мектеп бағдарламасына оқушылардың жыныстық сауатын ашатын жаңа пән енгізуді ұсынды деп хабарлайды КТК арнасы.
Балалар құқығын қорғау жөніндегі омбудсмен жастайынан жыныстық қатынасқа түсетін жасөспірімдердің өміріне алаңдайтынын білдірді.
Сондай-ақ, Сауле Айтбаеваны ұл-қыздардың 13 жастан бастап темекі шегіп, арақ ішуінің белең алуы да шошытып отыр.
"Соңғы бес жылда 15-18 жас аралығындағы 33 мыңнан астам қыз жүкті болған. Оның 10-ы жасанды түсік жасатыпты. Мұның бәрі жастардың төсек қатынасы туралы білімсіздігі кесірінен болып жатыр", - дейді сенатор.
Сондықтан омбудсмен "Гигиена негіздері" деп аталатын пәнді енгізу керектігін, ол пәнді уролог, гинеколог және эпидемиологтар оқыту қажеттігін тілге тиек етті.
Онда педагог-дәрігерлер ұл-қыздарға ерте кезден жыныстық қатынасқа түсуге болмайтынын және контрацепцияны қолданудың маңызы туралы дәрістер оқымақ.
Сонымен қатар шылым мен алкогольдің денсаулыққа қандай зиян тигізетінін жасөспірімдердің санасына сіңірмекші.
Дереккөз: КТК арнасы
Мақаланың түпнұсқасы: https://kaz.nur.kz/society/1773827-senator-okusylardy-zynystyk-sauatyn-asatyn-pn-engizudi-syndy/