RU

Ауа райы: Бүгін еліміздің басым бөлігінде тұман түсіп, жел күшейеді

Бүгін, 18 қаңтар күні, Қазақстанның бірқатар аймағында құбылмалы ауа райы сақталып, атмосфералық ауа ағындарының өтуіне байланысты жауын-шашын күтіледі. Синоптиктердің болжамынша, кей жерлерде тұман, көктайғақ, бұрқасын және желдің күшеюі болжанады деп хабарлайды «Қазгидромет» РМК.

Ауа райы: Бүгін еліміздің басым бөлігінде тұман түсіп, жел күшейеді
Тұман. Фото: NUR.KZ: Facebook

Алматы, Қызылорда, Түркістан облыстарының кей жерлерінде тұман түсіп, желдің жылдамдығы 23-28 м/с күшеюі мүмкін.

Шығыс Қазақстан облысында түнде тұман түседі, күндіз Жарма ауданында жел 15-20 м/с жылдамдықпен соғады. Жамбыл, Ақмола облыстарында да тұман күтіледі, желдің жылдамдығы 15-23 м/с жетеді.

Маңғыстау, Қостанай, Солтүстік Қазақстан облыстарының кей жерлерінде қатты жел соғады. Батыс Қазақстан, Атырау, Актөбе, Павлодар, Қарағанды облыстарында тұман түседі, Атырау облысында кей жерлерде көктайғақ болады.

Мақаланың түпнұсқасы: https://kaz.nur.kz/1773848-aua-rajy-bgin-elimizdi-basym-bliginde-tman-tsip-zel-ksejedi.html