Жоғарғы сот Челахқа қатысты үкімді өзгеріссіз қалдырды

Жоғарғы сотта Владислав Челахтың қылмыстық ісі оның өтініші бойынша қысқа мерзімде қаралды. Қорғаушы мен прокурор тыңдалғаннан кейін судья кеңесу бөлмесіне кетіп, бірнеше минуттан соң үкіммен оралды деп хабарлайды NUR.KZ.

Төрағалық етуші судья Рахметуллин сот алқасының ұйғарымын оқыды. Онда Владислав Челахтың үкімін өзгеріссіз қалатыны айтылған.

Сондай-ақ, сот Владислав Челахтың өтінішін қанағаттандырусыз қалдыруды дұрыс деп тапқан.

Бұл сотталған азаматқа үкімнің күшін жоюдан, қосымша тергеу жүргізуден, сондай-ақ бұзылған құқықтары үшін 30 млн теңге көлемінде өтемақы беруден бас тартқанын білдіреді.