RU

16 қабаттың терезесін дұрыс ашпаған әйел жас қызды өлтіріп алды

Гонконгта қонақүй жанынан өтіп бара жатқан әйелдің үстіне терезе жақтауы құлап, тіл тартпай кетті деп жазады Lenta.ru сайтына сілтеме жасаған NUR.KZ.

enriquetaboi31a
Фото:enriquetaboi31a: Facebook

Оқиға 21 қаңтар күні орын алған.

Қонақүй бөлмелерін жинайтын қызметші 16 қабаттағы бөлмеден темекі иісін шығармақ болыпты. Екі жақтаудан тұратын терезені арнайы кілттің көмегімен ашқан.

Кенет сыртқы жақтау төменге құлап, ішкі Қытайдан келген 24 жастағы турист қыздың үстіне түсіпті.

Куәгерлер жедел жәрдем шақырған, бірақ бойжеткен ауруханаға жеткеннен кейін бірнеше сағаттан соң көз жұмған.

Қасында келе жатқан жігіті шашыраған әйнектен жарақаттар алыпты.

Аға инспектор Чань Ка-Иннің сөзінше, бөлмелерді тазалаушы әйел қауіпсіздік техникасын бұзды деген күдікпен тұтқындалған.

Полицейлер бөлмені желдету әйелдің міндетіне кірген-кірмегенін анықтауда.

Мақаланың түпнұсқасы: https://kaz.nur.kz/1774507-16-kabatty-terezesin-drys-aspagan-jel-zas-kyzdy-ltirip-aldy.html