RU

Ақтөбеде қайырымды жандар екі бірдей мүгедек баласы бар анаға үй алып берді

Ақтөбеде жанашыр жандар екі мүгедек баласымен пәтер жағалап жүрген жалғызбасты ана Инна Рокинаға үй алып берді деп хабарлайды Астана арнасы.

Кадр Астана арнасынан алынды
Кадр Астана арнасынан алынды: Depositphotos

Қайырымды жандардың арқасында үш бөлмелі пәтерге бір аптада қаржы жиналған. 10 жылдан бері үй кезегінде тұрған жетім қыздың қуанышында шек жоқ.

"Барлық қала тұрғындары мен еріктілерге алғысымды айтқым келеді. Қажетті қаражатты бір аптаның ішінде жинады. Енді өзіміздің үйіміз бар. Бұдан асқан бақыт жоқ шығар. Қуаныштымын", - дейді Инна.

Айта кетейік, баспанаға қаражат жинау үшін, жер-жерден тіпті шетелден ақша аударғандар да бар. Шотқа бес мың теңгеден бастап, 500 мың, миллион теңгеге дейін салған.

Қажетті төрт миллион бес мың теңге бір жетінің ішінде жиналды. Еріктілер жаңа пәтерге жиһаз да сыйлады.

Еске салайық, жалғызбасты ананың алты және үш жастағы баласы сирек кездесетін анемия дертіне шалдыққан.

Б. Рахметова

Мақаланың түпнұсқасы: https://kaz.nur.kz/1776561-aktbede-kajyrymdy-zandar-eki-birdej-mgedek-balasy-bar-anaga-j-alyp-berdi.html