Выйти
RU

Астананың бас имамы бес баласынан айырылған отбасыға үй алып беретіндерін жеткізді

Рассказать в Telegram Рассказать Вконтакте

Астананың бас имамы Наурызбай Өтпенов өрт салдарынан бес баласынан айырылған жанұя туралы айтты. Ол қазіргі уақытта қажетті қаражат жиналғанын, енді отбасыға үй сатып алып беретінін мәлімдеді деп хабарлайды NUR.KZ.

Фото: NUR.KZ

Фото: NUR.KZ

"Жанұяға арнайы жиналған қаражат бар. Қазір көрсетілетін көмек туралы арнайы комиссиямен ақылдасамыз. Біз олардың ата-анасымен сөйлестік. Ақылдаса келе, мешіт атынан баспана сатып алып береміз деп шештік. Біз осылай келістік. Олар өз өтініштерін айтты, Алла қаласа, біз оларға көмектесеміз" , - деді имам.

Оған қоса, әлеуметтік желідегі видеоларда "Хазрет Сұлтан" мешітінің ұстазы Мақсатбек Қайырғалиев бүгін 13,4 млн теңге жиналғанын, бұл сома жанұяға табысталатынын айтқан.

Егер кімде-кім жанұяға қаржылай көмек бергісі келсе, олар мұны жеке жүзеге асыра алады.

Одан бөлек, бүгін өрттен ажал құшқан апалы-сіңлілерді жер қойнауында тапсыру кезінде олардың туыстары халықтан отбасыға азық-түлік пен жиһазға, қажетті заттарға көмектесуді сұраған. Өйткені, оқиға орнында отбасының заттарынан тек күл ғана қалған.

Айта кетейік, мемлекет басшысы Нұрсұлтан Назарбаев қайғыдан қан жұтқан отбасыға қайғырып, көңіл айтты.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Астананың бас имамы бес баласынан айырылған отбасыға үй алып беретіндерін жеткізді