RU
Ата-анасы қан құюға рұқсат бермеген қарағандылық қызға ота жасалмақ
Жаңалықтар Қоғам

Ата-анасы қан құюға рұқсат бермеген қарағандылық қызға ота жасалмақ

Рассказать Вконтакте

Қарағанды білім бөлімінің шешімімен дәрігерлер зардап шеккен қыздың ата-анасынан ота жасауға және қан құюға рұқсат сұрамайтын болды деп хабарлайды NUR.KZ тілшісі.

Көрнекі фото: fresher.ru

Көрнекі фото: fresher.ru

Жедел хирургиялық араласу және қан құю қажет болған 17 жастағы қарағандылық бойжеткенге уақытша өкіл тағайындалды. Ол профессор Х. Мақажанов атындағы клиниканың директоры болды.

"Бойжеткен Шахтинсктен. Ол терезеден құлау салдарынан түрлі жарақат алған. Мұның қалай болғаны бөлек әңгіме. Оған қазір қан құю қажет.

Біз ауруханаға барып, ата-анасымен сөйлесуге тырыстық. Алайда, олар рұқсаттарын бермеді. Сол үшін біз Мақажанов атындағы клиника директорын өкіл ретінде сайлауға мәжбүрміз.

Ол өз атынан қажетті процедураларды пайдалануға келісім бере алады", -деді қалалық білім бөлімінде.

Дәрігерлердің мәліметі бойынша, қазір бойжеткеннің қабырғасы, омыртқасы сынған және тағы басқалары бар. Бүгін ол ауруханада жатыр, енді оған ота жасалмақ.

Уақытша өкілді тағайындау туралы шешімді қалалық білім бөлімінің қорғаншылық және қамқоршылық секторының қызметкерлері Неке және отбасы туралы Кодекс негізінде қабылдаған.

Айта кетерлігі, Қарағандыда діни көзқарас ұстанған ата-ана 17 жастағы қыздарына қан құюға рұқсат бермеген.

Сіздің реакцияңыз
0
0
1
0
0
2
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel