Қарағандыда денесін күйік шалған 29 жастағы азамат қайтыс болды

29 жастағы қарағандылық азамат денесіндегі күйіктен жансақтау бөлімінде қайтыс болды. Ер адам өз-өзіне бензин құйып, өртеп жіберген деп хабарлайды NUR.KZ.

Ер адамның денесінің біраз бөлігі мен басы күйіп қалған. Ортопедия және травматология орталығына ол ауыр жағдайда жеткізілген.

"Бүгін таңертең науқас өмірден өтті. Ер адамның денесінің күйігі 4-ші дәрежелі. Күйік аумағы үлкен болды. Ол ауруханаға түскен уақытта сөйлей алмады. Сондықтан өзіне не болғанын да түсіндіре алмаған", - деп хабарлады Қарағанды облыстық денсаулық сақтау басқармасының баспасөз қызметі.

Ер адамды Михайловскіден Қарағандыға жеткізген.

Ал полиция департаментінің баспаөз қызметі болған оқиғаның алғашқы болжамын мәлім етті.

"Алдын-ала тексеріс басында, ер адамның үйінің ауласында өз-өзіне қол жұмсамақ болғаны анықталды. Қазір сотқа дейінгі тергеу амалдары басталды. Істің мән-жайы анықталатын болады", - деп хабарлады өңірлік полиция департаменті баспасөз қызметінің басшысы Жаңатай Сембеков.