Бейбіт Шүменов Лас-Вегастағы хан сарайындай зәулім үйін сатпақшы (фото)

Қазақстандық танымал боксшы Бейбіт Шүменов Лас-Вегастағы үйін сатылымға шығарды деп хабарлайды Sports.kz-ке сілтеме жасаған NUR.KZ.

Үш қабатты үйдің бағасы 4,75 миллион долларға бағаланған.

Хан сарайындай зәулім үй 880 шаршы метрді құрайды. Жалпы аумағы - 1579 шаршы метр.

Риелтор Шеннон Смит бөлмелердің биік екендігін, тіпті баскетболшы Шакил О’Нил өзін кішкентай сезінетінін жеткізген.

Ғимаратта алты жатын бөлме, тоғыз ванна, кинотеатр, шарап жертөлесі бар.

Тұрғынға қолайлы болуы үшін лифт орналасқан.

Еске сала кетсек, Бейбіт Шүменов WBA тұжырымы бойынша бірінші ауыр салмақтағы "тұрақты" әлем чемпионы болып саналады.