Зейін Әліпбек жаңа қызметке тағайындалды

Танымал қазақстандық журналист Зейін Әліпбек ұлттық музей директорының кеңесшісі болып тағайындалды деп хабарлайды мәдениет және спорт министрлігінің баспасөз қызметіне сілтеме жасаған Sputnik Қазақстан.

Айта кетейік, Зейін Әліпбек 1995 жылы Қазақ ұлттық университетін тәмамдаған.

1992-1993 жылдары Қазақ радиосының "Шалқар" бағдарламасында тілші болды.

1997 жылы "Хабар" агенттігінде "Жаналықтар" қызметінің бас редакторы қызметін атқарды.

Сондай-ақ "Бетпе-бет" және "Yкімет пен әлеумет" бағдарламаларының шығарушы редакторы, Хабар" телеарнасының ақпараттық-аналитикалық бағдарламалар дирекциясының директоры, "Білім және Мәдениет" телеарнасы директорының орынбасары болды.

Сонымен қатар "Астана ақшамы" газетінің бас редакторы-директор орынбасары, "Елорда ақпарат" ЖШС директорының кеңесшісі, ҚР вице-премьері-ҚР ауыл шаруашылығы министрінің кеңесшісі, Бараев атындағы астық шаруашылығы ғылыми-өндірістік орталығының бас директорының кеңесшісі қызметтерін атқарған.