"Сыра королі" Тоқтар Төлешов жазасын қалай өтеп жатыр (фото, видео)

Мемлекеттік билікті күшпен тартып алмақ болды деп сотталған Тоқтар Төлешовтің түрмеде жазасын өтеп жатқанына 1,5 жылдай болды. Оtyrar.kz редакциясы бұрынғы кәсіпкер отырған түрмеге барып, жағдаймен танысып қайтты деп хабарлайды KAZ.NUR.KZ.

Телеарнаның хабарлауынша, Тоқтар Төлешов отырған камерада 10 адам жазасын өтеуде.

Түзеу мекемесінде сотталушылар таңғы алтыда тұрса, түнгі сағат 22:00-де ұйықтайды.

Қатаң режимде қамалып отырғанымен, бұрынғы кәсіпкерге ауыр жұмыстарды орындау міндеттелмейді.

Дегенмен, оған едендерді тазалауға, камераның терезелері мен есіктерін сүртуге рұқсат етіледі.

Экс-кәсіпкер басқалармен бірдей тамақтанады.

Еске сала кетсек, cот үкімі бойынша, "сыра королі" 21 жылға сотталған болатын.

Тоқтар Төлешовке мемлекеттік билікті күшпен тартып алмақ болған деп айып тағылып, қаңтардың аяғында қамауға алынды. Оған қылмыстық кодекстің бұдан басқа да 15 бабы бойынша айыптар тағыл­ған.

Арнайы операция барысында Төлешовтен бірнеше қап қару-жарақ тәркіленді.

Кейін Тоқтар Төлешов әйелі мен тоқалдарына 2 млн 282 мың теңгеден жалақы төлеп отырғаны анықталды.