RU

Ақтауда полицей көлігінің қатысуымен болған жол апатынан бір адам зардап шекті

Ақтауда полицей көлігінің қатысуымен болған жол апатынан бір адам зардап шекті. Ол Маңғыстау облыстық ауруханасына жабық бас сүйек-ми жарақатымен және бел тұсының зақымымен түскен. Бұл туралы Lada сайтына сілтеме жасаған KAZ.NUR.KZ хабарлайды.

Фото: Lada
Фото: Lada: Twitter

Полицей көлігі мен Mitsubishi Lancer көліктері 12 наурыз күні сағат 16:30-да соқтығысқан.

Жол апаты нәтижесінде 1993 жылы туған азамат зардап шекті.

"Одан жабық бас сүйек-ми жарақаты және бел аймағында жұмсақ тіндердің соғылуы анықталды. Зардап шеккен адамға медициналық көмек көрсетілді. Қазір ол үйіне жіберілді", - деп хабарлады Маңғыстау облысы Денсаулық сақтау басқармасының баспасөз қызметі.

Облыстық полиция департаментінде жол апатына фактісіне байланысты Әкімшілік құқық бұзу туралы Кодекстің 610-бабына сәйкес әкімшілік хаттама жасалғанын хабарлады.

Мақаланың түпнұсқасы: https://kaz.nur.kz/1783185-aktauda-policej-kligini-katysuymen-bolgan-zol-apatynan-bir-adam-zardap-sekti.html