RU

Өмірзақ Шөкеевтің орынбасары тағайындалды (фото)

Түркістан облысы әкімінің орынбасары тағайындалды. Бұл қызметке Мырзалиев Мейіржан Иябайұлы келген деп хабарлайды әкімдіктің ресми сайтына сілтеме жасаған KAZ.NUR.KZ.

Мейіржан Мырзалиев. Фото: ontustik.gov.kz
Мейіржан Мырзалиев. Фото: ontustik.gov.kz: Depositphotos

Мейіржан Мырзалиев жаңа қызметке Президент Әкімшілігінің келісімімен және Түркістан облысының әкімі Өмірзақ Шөкеевтің өкімімен тағайындалған.

Мейіржан Иябайұлы 1980 жылы туған. Ол 1998-2002 жылдары Қазақ Мемлекеттік Заң Университетін заңгер, 2005-2006 жылдары Ломоносов атындағы Мәскеу Мемлекеттік Университетін экономист, 2010-2011 жылдары ҚР Президенті жанындағы Мемлекеттік басқару Академиясын, 2014-2016 жылдары Дьюк Университетін халықаралық саясат магистрі мамандығы бойынша бітіріп шыққан.

Ол әр жылдары түрлі қызметтер атқарған.

Алматы қаласының әкімдігі: Құрылыс басқармасының бас маманы (2003-2005); Заң және әкімшілік бөлімінің бастығы (2005-2007)

ҚР премьер-министр кеңсесі: Индустриалдық-инновациялық даму бөлімінің бас сарапшысы (2008-2009); Бизнес-орта және инновация секторының меңгерушісі (2009-2011); Мемлекеттік реттеу секторының меңгерушісі (2011-2013)

Дүниежүзілік банктің халықаралық қаржылық корпорациясы (IFC) ( АҚШ, Вашингтон): Ауыл шаруашылығындағы бизнесті дамыту бойынша іс-тәжірибе (2015)

ҚР премьер-министр кеңсесі: Премьер-министрдің бірінші орынбасарының кеңесшісі (2016), премьер-министрдің кеңесшісі (2017).

Қостанай облысының әкімдігі: 2017 жылдың қаңтар айынан бастап облыс әкімінің орынбасары қызметін атқарып келген.

Қазақ, орыс, ағылшын тілдерінде еркін сөйлейді. Отбасылы екі ұл, екі қыз тәрбиелеуде.

Мақаланың түпнұсқасы: https://kaz.nur.kz/1784275-mirzak-skeevti-orynbasary-tagajyndaldy-foto.html