RU

Қалетаев енді Сағынтаевтың орынбасары қызметін атқарады

Дархан Қалетаев Президент әкімшілігі басшысының бірінші орынбасары болып тағайындалды. Бұл туралы жарлыққа мемлекет басшысы Қасым-Жомарт Тоқаев қол қойды деп хабаралйды Ақорданың баспасөз қызметіне сілтеме жасаған KAZ.NUR.KZ.

Қалетаев
Дархан Қалетаев. Фото: ОКҚ: UGC
"Дархан Аманұлы Кәлетаев Қазақстан Республикасы президентінің Әкімшілігі басшысының бірінші орынбасары болып тағайындалсын", - делінген ресми хабарламада.

Естеріңізге сала кетсек, Қалетаев мырзаның 1 наурыз күні премьер-министр кеңсесіне басшы болып тағайындалғаны туралы хабарлаған болатынбыз.

  • Дархан Калетаев 1972 жылы 10 қазанда Шығыс Қазақстан облысында өмірге келген.

Шығыс Қазақстан мемлекеттік университетін, Ұлттық жоғары мемлекеттік басқару мектебін бітірген. Мамандығы бойынша тарихшы-оқытушы, мемлекеттік басқару менеджері.

Еңбек жолын 1995 жылы бастаған Калетаев - саясаттану ғылымдарының докторы.

"Құрмет", "Парасат" ордендерімен және көптеген мерекелік медальдармен марапатталған.

Ол президент әкімшілігі басшысының орынбасары, "Нұр Отан" Халықтық-демократиялық партиясы төрағасының бірінші орынбасары, "Самұрық-Қазына" ұлттық әл-ауқат қоры" АҚ-ның басқарушы директоры қызметтерін атқарған.
  • Қазақстан Республикасы Президентінің Жарлығымен Парламент Сенатының депутаты болды.
  • 2018 жылы 4 сәуір айынан 2019 жылдың ақпанына дейін Қазақстанның қоғамдық даму министрі болды.

Оригинал статьи: https://kaz.nur.kz/1785011-kaletaev-endi-sagyntaevty-orynbasary-kyzmetin-atkarady.html