RU
Адасып кеткен түлкібастық 80 жастағы әжей Шымкенттен табылды (фото)
Жаңалықтар Қоғам

Адасып кеткен түлкібастық 80 жастағы әжей Шымкенттен табылды (фото)

Рассказать Вконтакте

Өткен аптада адасып кеткен Түлкібас ауданының тұрғыны, 80 жастағы әжей Шымкент қаласынан табылды. Жергілікті полицейлер адасып қалған қарт кісіні тауып, үйіне жеткізген деп хабарлайды KAZ.NUR.KZ.

Түлкібастық апа шымкенттен табылды

Фото: Шымкент қалалық полиция департаментінің баспасөз қызметі

2019 жылы 20 наурызда Шымкент ҚПД Қаратау АПБ-ның қызметкерлері үйінен шығып кеткен 80 жастағы әжейді тауып, туыстарына табыстаған.

Тәртіп сақшыларының айтуынша, Сайрам елдімекенінде көшеде жалғыз жүрген егде тартқан кісіні байқап қалған. Сұрастырған кезде әжей өзінің қайда жүргенін білмейтіндігін, адасып қалғанын айтқан.

"Полиция қызметкерлері апаны тез арада Қаратау АПБ-ның учаскелік полиция пунктіне жеткізді. Жеке басын анықтау жұмыстары жүргізіліп, нәтижесінде адасқан әжейдің Түркістан облысы Түлкібас ауданы Машат ауылының тұрғыны екені анықталған.
Қария тұрғылықты жеріне жеткізіліп, туған-туыстарына тапсырылды", - деп хабардар етті Шымкент қалалық полиция департаментінің баспасөз қызметі.
Сіздің реакцияңыз
0
0
0
0
1
7
1
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel