RU

Елордада екі жүк көлігі соқтығысып, бір адам ауруханаға түсті

Нұр-Сұлтанда екі жүк көлігі соқтығысып, бір жүргізуші дене жарақатымен ауруханаға жеткізілді деп хабарлайды ҚазАқпарат.

Елордада екі жүк көлігі соқтығысты
Көрнекі фото: belta.by: Twitter
«27 наурыз күні «HOWO» маркалы жүк көлігі Абылай хан даңғылымен келе жатып, қарсы бағыттағы жүк көлігімен соқтығысты. Көлік апаты салдарынан «HOWO» автомашинасының 51 жастағы жүргізушісі дене жарақаттарымен қалалық ауруханаға жеткізілді», - деді қалалық полиция департаментінің баспасөз қызметі.

Куәгерлердің айтуынша, жол-көлік оқиғасы салдарынан «HOWO» жүк көлігінің кабинасы бірнеше метр жерге ұшып кеткен.

Қазіргі кезде аталған көлік апаты бойынша полицейлер тексеру жүргізіп жатыр.

Мақаланың түпнұсқасы: https://kaz.nur.kz/1785372-elordada-eki-zk-kligi-soktygysyp-bir-adam-auruhanaga-tsti.html