RU
Алматыда қытайлық бизнесменді ұрлап кетіп, 22,5 млн теңге талап еткен (видео)
Жаңалықтар Қоғам

Алматыда қытайлық бизнесменді ұрлап кетіп, 22,5 млн теңге талап еткен (видео)

Рассказать Вконтакте

ҚХР-ның елшісі ұрланған қытайлық бизнесменді құтарған полицейлерге алғыс білдірді деп хабарлайды ІІМ-ні баспасөз қызметіне сілтеме жасаған KAZ.NUR.KZ.

Алматыда ұрланған қытайлық кәсіпкерді құтқарған полицейлерге Қытай елшісі алғыс білдірді (видео)

Фото: ІІМ-нің баспасөз қызметі

Қазақстандық полицияға адам ұрланғаны жөніндегі хабарлама Қытай Халық Республикасы елшілігінен келіп түскен.

Қытайлық бизнесменнің 37 жастағы жұбайы осы елшілікке көмек сұрап жүгінген екен. Әйелдің айтуынша, оған белгісіз біреулер телефон шалып, күйеуін ұрлап кеткендерін хабарлап 400 мың юань (22,5 млн теңге) талап еткен.

Қылмысты ашу мақсатында Алматы қаласы полиция департаментінде жедел-тергеу тобы құрылды. Алғашқы минуттардан бастап полиция қызметкерлері барлық қажетті жедел және арнайы іс-шараларды жүргізді. Нәтижесінде күдіктілердің жеке басы анықталды.

Алматыда ұрланған қытайлық кәсіпкерді құтқарған полицейлерге Қытай елшісі алғыс білдірді (видео)

Фото: ІІМ-нің баспасөз қызметі

Сәл кейінірек полицияның жедел қызметтері арнайы бөлініс жауынгерлерімен бірлесе ұрланған адамды құтқару бойынша операциялар жүргізді.  

Қылмысқа қатысушылардың барлығы ұсталып, қамауға алынды. Олардың әрқайсының міндеті тергеу кезінде анықталады. Қазір олардың өзге қылмыстарға қатыстылығы тексерілуде.

"Қазақстан үкіметіне, ішкі істер министріне, Алматы қаласының полицейлеріне менің жұбайымның көмек сұраған өтінішіне көңіл қойып, мені жедел құтқарғандары үшін үлкен рахметімді айтамын. Істің осылай тез шешілгеніне өте қуаныштымын. ҚХР елшілігіне де алғысымды білдіремін. Мен Қазақстанға міндетті түрде тағы келемін. Мұнда адамдардың қауіпсіздігі бірінші орында тұрғанына көзім жетті", - деп ризашылығын білдірді жәбірленуші бизнесмен.  

Бүгін Қытай Халық Республикасының Қазақстандағы төтенше және өкілетті елшісі Чжан Сяо Қазақстан Республикасы ІІМ-не арнайы келіп, министрдің өзіне және барлық полиция қызметкерлеріне ұрланған Қытай азаматын тауып, құтқарғаны үшін алғысын білдірді.

Ол бұл істің тәулік ішінде тез ашылғанын естігенде, таң қалғанын жасырмады. Елші қылмысты ашуға қатысқан ІІМ-нің барлық қызметкерлеріне өзінің алғысын айтып, бұл қазақстандық полицияның кәсібилігі мен жоғары жауапкершілігін көрсететінін атап өтті.

Чжан Сяо өз сөзінде екі елдің құқық қорғау органдары желісі бойынша жемісті ынтымақтастық болатынына сенім артып, бұл ынтымақтастық қос мемлекетке және оның халқына тиімді болатынын жеткізді.

Сіздің реакцияңыз
3
1
1
2
1
7
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel