RU

Атыраулық полицей байқаусызда жолаушы әйелдің аяғынан атып алды

Атырау қаласының халықаралық әуежайында полиция қызметкері жолаушы әйелдің аяғынан байқаусызда атып алды деп хабарлайды KAZ.NUR.KZ.

Фото: Видеодан кадр
Фото: Видеодан кадр: UGC

Оқыс оқиғаның видеосы QYZYLQOGA | ATYRAU | 06 Facebook парақшасында жарияланған.

"29 наурыз күні Атырау қаласындағы халықаралық әуежайда жеке тексеру бөлмесінде полицияның желілік бөлімінің патрульдік-бекет қызметінің қызметкері абайсызда қарумен оқ атып алған.
Оқиға сағат 17:40 кезінде полицей бір банктің инкассация қызметінің қызметтік қаруларын тексеру барысында орын алған. Оқиға салдарынан қала тұрғынының аяғына оқ тиіп, жарақаттанды. Жолаушы әйел бірден медициналық мекемеге жеткізілді", - деп мәлімдеді көліктегі полиция департаменті өз хабарламасында.

Айта кетейік, аталған жағдай бойынша қазіргі уақытта тергеу амалдары жүргізіліп жатыр.

Мақаланың түпнұсқасы: https://kaz.nur.kz/1786035-atyraulyk-policej-bajkausyzda-zolausy-jeldi-aagynan-atyp-aldy.html