RU
"Жай жүрші": Көліктегі әйелі мен балаларын тыңдамаған азамат апатқа ұшырады (видео)

"Жай жүрші": Көліктегі әйелі мен балаларын тыңдамаған азамат апатқа ұшырады (видео)

Рассказать Вконтакте

29 наурызда Атырау қаласы Азаттық даңғылының бойында келе жатқан Toyota Hіace көлігінің мас жүргізушісі Nissan Maxima көлігімен соқтығысып, көкөніс павильонына "кіріп" кеткен. Бейнетікрегіштегі видеоға сәйкес, 32 жастағы азамат көлік салонындағы әйелі мен екі баласының жалынғанына мән бермеген деп хабарлайды "Ақ жайық".

Фото: Ақ Жайық

Фото: Ақ Жайық

Видеоға жолда келе жатқан көліктің ішіндегі әйел мен екі баланың даусы анық жазылып қалған. Олар мас жүргізушіге "Жай жүрші, балаларыңды ойлашы!", "Әке, тоқташы, біз түсіп қалайықшы" деп жалынған.

Алайда, ішімдікке сылқия тойған азамат ештеңеге мән берместен қатты жылдамдықпен жүйтки беріпті.

Осылайша, ол қиылыста Nissan Maxima көлігімен соқтығысып, артынша көкөніс павильонына "кіріп" кеткен екен.

Белгілі болғандай, дәрігерлер әйел мен жеті жасар баланы тексергеннен кейін үйлеріне жіберген. Ал төрт жасар қыз ауруханаға жатқызылған.

"Иә, мұндай факт орын алды. Toyota Hіace жүргізушісі мас болған. Қазір біздің қызметкерлер іс жүргізу шешімін қабылдау үшін дәрігерлердің қорытындысын күтіп отыр", - деп хабарлады Атырау облыстық полиция департаментінің баспасөз қызметі.

Сіздің реакцияңыз
3
2
4
29
0
0
0
Спасибо за Ваше мнение Вы уже голосовали
Тағы да оқыңыздар
Жүктеу...
Mailfire view pixel