RU

Министр Тұрғымбаев Нұр-Сұлтандағы автобус апатына қатысты пікір білдірді

Ішкі істер министрі Ерлан Тұрғымбаев Нұр-Сұлтандағы автобустардың қатысуымен болған жантүршігерлік жол апатына қатысты пікір білдірді деп хабарлайды KAZ.NUR.KZ.

Ерлан Тұргымбаев. Фото: ІІМ баспасөз қызметі
Ерлан Тұргымбаев. Фото: ІІМ баспасөз қызметі: UGC
"Сергек" камераларынан сіздер де оның қалай жүргенін көрдіңіздер. Егер тежегіші істен шыққанда, жүргізуші апатқа жол бермеу үшін қандай да бір шараларды қолға алатын еді", - деді Тұрғымбаев.

Ішкі істер министрі қазіргі уақытта медициналық сараптама жүргізіліп жатқанын, сол арқылы жүргізушінің неден көз жұмғаны анықталатынын атап өтті.

"Автобус та техникалық сараптамадан өтуде. Көліктің алдыңғы жағының быт-шыты шыққан. Бір ай ішінде жауабын береміз деп ойлаймын", - дейді ол.

Еске сала кетсек, 26 наурыз күні Нұр-Сұлтанда Ұлы Дала мен Қабанбай көшелерінің қиылысында үш автобус, жедел жәрдем мен жеңіл көліктің қатысумен болған жол апатынан екі адам қаза тауып, тағы 27 тұрғын ауруханаға түскен еді.

Мақаланың түпнұсқасы: https://kaz.nur.kz/1786534-ministr-trgymbaev-nr-sltandagy-avtobus-apatyna-katysty-pikir-bildirdi.html