Шымкентте түнгі клуб маңындағы атыстың қатысушылары ұсталды (фото)

Шымкентте түнгі клубтардың бірінің маңында атысты ұйымдастырғандар қолға түсті деп хабарлайды Otyrar.kz.

Басылымның мәліметінше, оқиға наурыздың 21-нен 22-не қараған түні Тәуке хан даңғылында орналасқан түнгі клубтың маңында болған.

Түнгі клубқа келген қонақтардың арасында төбелес болып, соңы атысқа ұласқан.

Азаматтар травматикалық қарудан оқ атқан. Салдарынан екі адам зардап шегіп, оларды оқиға орнында полицейлер ұстаған.

Кейін тәртіп сақшылары атысты ұйымдастырғандарды да тұтқындады. Оқиға орнынан травматикалық қару табылған.

Ал көлік багажын тексеру барысында тағы бір қару тәркіленген.

Басылымның жазуынша, Полиция департаменті бұл оқиғаға қатысты әзірге ресми пікір білдірмеген.