RU
Екі ай бұрын жоғалған арудың денесі Алматы маңындағы су арнасынан табылды

Екі ай бұрын жоғалған арудың денесі Алматы маңындағы су арнасынан табылды

Рассказать Вконтакте

Бірнеше ай бұрын із-түзсіз жоғалып кеткен Анастасия Галееваның денесі Алматы маңындағы су арнасынан табылды. Бұл туралы бойжеткеннің әкесі хабарлаған деп жазады Zakon.kz сілтеме жасаған KAZ.NUR.KZ.

Із-түзсіз жоғалған Анастасия Галееваның денесі Алматы маңындағы каналдан табылды

Фото: NUZ.KZ

Ер адамның сөзінше, қызының денесі бүгін Сарыбұлаққа апаратын су арнасынан табылған.

"Әпкем Алла Галеева оны таныды. Қазір өзім де тану үшін Талғар АІІБ бара жатырмын", - деп мәлімдеген Эдуард Галеев.

Алматы облысы ПД-нің баспасөз қызметі аталмыш ақпаратты растады. Ұйымдастырылған іздеу жұмыстары барысында Іле ауданының Междуречинск елді мекенінің маңындағы су арнасы шлюздарының бірінен Анастасия Галееваның денесі табылған.

"Туыстары бойжеткенді таныды. Факті бойынша сот-медициналық сараптама тағайындалды. Облыстық полиция департаментінің басшылығы тергеуді өз бақылауына алды.
Қыздың денесін су арнасына тастағандарын мойындаған таныстары ешқайда кетпеу туралы тілхат жазған", - деп хабарлады департамент өкілдері.

Еске сала кетейік, Анастасия Галееваны іздеу жұмыстары ақпанның тоғызынан бері жүргізілген.

Бойжеткен Талғар ауданында тұратын құрбысының үйіне кетіп, сол күйі із-түссіз кеткен.

Іздеу шаралары аясында полицейлер түрлі болжамдарды тексерген еді.

Тағы да оқыңыздар
Жүктеу...
Mailfire view pixel