RU

Тоқаев Ақтаудағы Теңіз академиясының студенттерімен кездесті (фото)

Қасым-Жомарт Тоқаев Бесінші Каспий саммитінде қол жеткізген уағдаластықтардың қорытындысы бойынша 2018 жылы Ш.Есенов атындағы Каспий мемлекеттік технологиялар және инжиниринг университетінің жанынан ашылған Теңіз академиясының жұмысымен танысты деп хабарлайды Ақорда.

ввввв
Фото: Ақорда: UGC

Мемлекет басшысы кеме жүргізушілердің, кеме механиктерінің, штурмандардың көп функциялық тренажерлік сыныптары, сондай-ақ, алғашқы медициналық көмек көрсетуге, өртке қарсы және құтқару жұмыстарын ұйымдастыруға арналған дәрісханалары бар академияның көпбейінді материалдық-техникалық базасын аралап көрді.

ввввв
Фото: Ақорда: UGC

Студенттермен бейресми әңгімелесу барысында Қасым-Жомарт Тоқаев заманауи стандартқа сай сапалы әрі арнайы білім алудың маңыздылығын атап өтіп, олардың оқуда табысты болуына тілектестік білдірді.

Университет студенттері өскелең ұрпақ мәселелеріне ерекше көңіл бөліп, Жастар жылы аясында мемлекет тарапынан қолдау көрсетіліп жатқаны үшін Қазақстан президентіне алғыс айтты.
ввввв
Фото: Ақорда: UGC

Сонымен қатар, мемлекет басшысына университеттің жұмыстары, соның ішінде 1 200 еріктіні біріктіріп отырған «Қоғамға қызмет» бағдарламасы жөнінде ақпарат ұсынылды.

Мақаланың түпнұсқасы: https://kaz.nur.kz/1788397-tokaev-aktaudagy-teiz-akademiasyny-studentterimen-kezdesti-foto.html