RU

Президент: Шет аудандардың бәрінде есірткі жарнамасы толып тұр

Қасым-Жомарт Тоқаев ІІМ-нің кеңейтілген алқа отырысы кезінде Қазақстанда есірткі саудасы артқанына тоқталып өтті деп хабарлайды Еуразия Бірінші арнасына сілтеме жасаған KAZ.NUR.KZ.

Шет аудандардың бәрінде есірткі жарнамасы толып тұр: Тоқаев есірткі саудасына қатысты сын айтты
Фото:Akorda.ka: UGC

Мемлекет басшысы есірткі алу жеңілдегенін мәлімдеді. Оның сөзінше, үй қабырғалары мен қоршауларда QR-кодтар мен интернет-дүкендерге сілтемелер қаптап жазылып тұрады.

"Есірткі алу жеңілдеді. Жасөспірім мұны интернет арқылы істей алады. Әрбір шет ауданда жасырын есірткі жарнамасын, арнайы сайттарға сілемелер табуға болады", - деп баса айтып өтті Тоқаев.

Сондай-ақ, ол есірткі таратуда органда істейтін тұлғалар да қатысы болуы мүмкін екенін айтып өтті.

"Бұл жүйелі қылмыстық кәсіп. Сондықтан құқық қорғау жүйесі де бұған қатысы бар ма деген ойлар туындайды", - деді президент.

Еске сала кетейік, Қасым-Жомарт Тоқаев ІІМ-нің кеңейтілген алқа отырысына қатысты.

Онда мемлекет басшысы ұрлықтың үдеп тұрғанына сын айтты.

Мақаланың түпнұсқасы: https://kaz.nur.kz/1789545-set-audandardy-brinde-esirtki-zarnamasy-tolyp-zr-tokaev-esirtki-saudasyna-katysty-syn-ajtty.html