Бір бөтелке вискимен рөлде: Назар Роллан жұрт назарын тағы да аударды (видео)

Жолдағы құйтырқы әрекеттері үшін даудың ортасында жүрген 20 жастағы алматылық Назар Роллан жұрттың назарын тағы да өзіне аударды. Бұл жолы ол желіге автокөліктің рөлінде отырып, бөтелкеден виски ішкен видеосын жүктеді деп жазады KAZ.NUR.KZ.

Алматылық жігіт видеосын Instagram желісіндегі парақшасында жариялады..

Бейнежазба кадрларында көлік жүргізу куәлігінен айырылған Назардың бөтелкеден виски ішіп отырып, көлік жүргізіп келе жатқанын аңғаруға болады. Оның ішінде расымен алкогольдің болғаны, болмағаны белгісіз.

Желі қолданушылары жас жігіттің бұл әрекетін аяусыз сынап тастады. Олар Назар Ролланды көлік жүргізу құқығынан өмір бойына айыруды сұрады.