"Әншілерден кем емес": Танымал диктор қыз ұзатты (видео)

Ұлттық арнада жаңалықтар тізгінін ұстайтын тележүргізуші Гүлназ Әлімгерей қыз ұзатты. Бұл туралы тележурналистің өзі Instagram парақшасында айтты деп жазады KAZ.NUR.KZ.

Жаңалықтың жаршысы болып жүрген Гүлназ Әлімгерей ақ босаға аттағалы тұрған қызды жеңгесі ретінде шығарып салған.

"Ақеркешіміздің өтінішін орындап, әнмен Ақ босағасына жеңгесі болып, шығарып салдым. Қатты сөкпеңіздер.

Мен әнші емеспін, өлең де жаңа емес. Ең бастысы - бір-бірімізге жақындығымыз, шын көңіліміз. Алла жақсы жолымды берсін Еркешімізге", -деп жазды ол өз парақшасында.

Тележүргізушіні жаңа қырынан көрген көпшілік түрлі пікірлер жазып қалдырды.

"Жан-жақтысыз", "Журналистер де қыз ұзатып жүр", "Тілші қалпында көргіміз келеді", "Әдемі әнмен шығарып салған жеңгесінен айналдым", "Кәсіпқой әншіден кем емес", "Бәрі орынды, керемет", "Бағы ашылсын", "Әншілерден кем емес"- деп жазған олар.