Выйти
RU

Қаратаудағы тоғыз жасар қыздың өліміне күдікті тұтқындалды

Рассказать в Telegram Рассказать Вконтакте

Қаратау қаласында полиция ұйымдастырған арнайы брифинг барысында кәмелетке толмаған қыздың өліміне кұдікті адам тұтқындалғаны белгілі болды деп хабарлайды KAZ.NUR.KZ.

Фото: ria.ru

Фото: ria.ru

"Бүгінгі күні, бұл қылмысты жасаған қылмыскер тұтқындалғаным сенімді түрде айта аламын. Іс бойынша оның кінәсін толықтай дәлелдейтін дәйектер тәркіленді.
Күдікті Қазақстан азаматы, Қаратау қаласының 37 жастағы тұрғыны. Жұмыс істемейді, үйленген, балалары жоқ. Бұған дейін 175 бап, ұсақ заттарды ұрлау бойынша сотталған" , - деді Жамбыл облысы полиция департаментінің басшысы Арман Оразалиев.

Оған қоса, ол іс бойынша бірқатар сараптамалар тағайындалғанын мәлімеді. Оның нәтижесі бір айдың ішінде шығатын болады.

«Алдын ала мәліметке сәйкес, дене жарақаттарын зардап шеккен қыздың басына келген. Бұл соққылар оның өліміне тікелей байланысты болған. Бүлдіршін толық отбасыда өмір сүрген, үшінші бала болған.
Қазіргі таңда, 99 баптың екінші бөлімі бойынша сотқа дейінгі тергеу жұмыстары басталды" , - деді Арман Оразалиев.

Сонымен қатар, департамент басшысы аса ауыр қылмысты ашуға полиция департаменті, прокуратура мен басқа да органдардың 250 кәсіби қызметкері жұмылдырылғанын жеткізді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Тағы да оқыңыздар
Жүктеу...
Қаратаудағы тоғыз жасар қыздың өліміне күдікті тұтқындалды