"Елесе, қуанамыз": Елбасы өзіне айтылған мақтау сөздер туралы пікір білдірді

Ұлт көшбасшысы, Қазақстанның тұңғыш президенті Нұрсұлтан Назарбаев Қазақстан халқы Ассамблеясының 27-сессиясында сөз сөйлегендердің барлығына алғыс айтты деп хабарлайды KAZ.NUR.KZ тілшісі.

Елбасы өзінің адресіне айтылған жағымды пікірлер үшін ризашылығын білдірді.

«Қазір президент емеспін, сол себепті қанша тыңдау керек болса да қарсы емеспін. 30 жыл бойы құр босқа еңбектенбей, айтарлықтай жұмыс істедім деп ойлаймын. Біз бәріміз адамбыз ғой. Елеп-ескеріп жатса, қуанамыз», - деді ол.

Барлық қатысушылар бірауыздан Қазақстан халқына жеке өсуге мүмкіндік берген бейбіт және тәуелсіз мемлекетті құруда Назарбаевтың үлкен рөл атқарғанын алға тартты.