RU
"Ату жазасын берсін": Қаратауда айуандықпен өлтірілген қыздың ата-анасы жанайқайын айтты
Жаңалықтар Қоғам

"Ату жазасын берсін": Қаратауда айуандықпен өлтірілген қыздың ата-анасы жанайқайын айтты

Рассказать Вконтакте

Жамбыл облысында айуандықпен өлтірілген кішкентай қыздың ісіне қатысты тың деректер шығып жатыр. Полицейлер бұл істі барынша құпия ұстағанымен, марқұм жеткіншектің жақындары болған жайды жасырмай жайып салды деп хабарлайды КТК арнасы.

Күдікті мен қыз бала. Кадр КТК арнасы

Күдікті мен қыз бала. Кадр КТК арнасы

Басылымның мәліметінше, марқұм 9 жасар қыз баланың туыстары ауыр болса да жантүршігерлік қылмыстың қалай болғанын баяндап берген.

Әкесі Мұхит Қаражігітовтың айтуынша, күдікті жеткіншекті өнер мектебінен үйіне алып кеткен. Онда не болғаны әзірге белгісіз. Небәрі 45 минуттан соң өлігі шығып отыр. Ал қаскөйдің мәйіт арқалаған жүрісі сол маңдағы дүкен камерасына түсіп қалған.

Марқұм қыз баланың әкесі. Кадр КТК арнасы

Марқұм қыз баланың әкесі. Кадр КТК арнасы

"Видеоны көрдім, қызым велосипедттің артында отыр. Сосын 45 минутта қапшықты ұстап артқа қарай өткен. Мектептің алдынан күтіп алған. Қызым момын болатын. Кішкентай қызымды білемін ғой. Оған бірдеме істеген", - дейді жасөспірім қыздың әкесі Мұхит Қаражігітов.

Күдікті қаза болған оқушы қыздың әкесінің шаш алдыратын тұрақты клиенті болған. Жиі келетін кісінің жүзі таныс болғасын қаршадай қыз оған ілескен. Қаскөйдің ақыл есі кем дегенге мақұмның жақындары сенбейді. Себебі қылмысын сау адамдай сауатты жасырған дейді.

"Оның дені сау. Бәрін ойластырған. Айғақ ештеме қалмасын деп өртеп жіберген. Күртеше мен сөмкесін де таппай отыр", - дейді қыз баланың анасы Ләззат Семізбаева.

Баслымының хабарлауынша, 37-дегі күдікті 8 жасар қыздың киім-кешегін үйінде, мәйітін қаланың шетіне апарып от қойған. Сөйтіп, өзі түк болмағандай жоғалған қызды туыстарымен бірге іздепті. Ал кейін ұсталған соң қыз биіктен құлап өлді деп ақталған. Оның айтуынша, жасөспірім тауық қорадан жұмыртқа аламын деп жазым болған. Бірақ бұған ешкім сенбейді.

Марқұм қыз баланың анасы. Кадр КТК арнасы

Марқұм қыз баланың анасы. Кадр КТК арнасы

"Сотталып түрмеден өмір бақи шықпасын немесе ату жазасын берсін. Болмаса халықтың алдына беріп, қызымды қалай өртеді, солай өртеу керек. Не істеп қойды менің қызымды өртеп тастайтындай. Сот жабық түрде өтеді дейді, мен соттың ашық түрде өткенін қалаймын", - деп ашынды Ләззат Семізбаева.

Күдіктінің жары бар, баласы жоқ. Қазір оның үйінің ауласына күзет қойылған. Себебі күдіктінің әйеліне қастандық жасалуы мүмкін деген қауіп бар. Үй иесі бет-жүзін көрсетуден қысылды. Оның айтуынша, күйеуі 10 жылдан бері психдиспансерде тіркеуде тұр. 27 жастағы келіншек жолдасының жазықты екеніне сенбейді.

Бұрын ұсақ ұрлық жасағаны үшін сотталған күдікті, екі айға қамауға алынды. Тәртіп сақшылары марқұм қыз бала басына қатты тиген соққыдан өлген дейді. Оған зорлық жасалған, жасалмағанды әзірге айтылмады.

Еске салсақ, 4 күн бұрын Қаратауда жоғалған екінші сынып оқушысының өртелген өлі денесі табылған. Күдікті үш күннен кейін ұсталды.

Дереккөз КТК арнасы

Тағы да оқыңыздар
Жүктеу...
Пікір
Mailfire view pixel