RU
Тоқаевтың өмірбаяны туралы жаңа деректер шықты (фото)
Жаңалықтар Саясат және экономика

Тоқаевтың өмірбаяны туралы жаңа деректер шықты (фото)

Рассказать Вконтакте

Мемлекет басшысы Қасым-Жомарт Тоқаевтың өмірбаяны туралы жаңа деректер пайда болды. Президент жайында мектеп қабырғасында танысқан досы Андрей Антонеко"Комсомольская правда" басылымына айтып берді деп хабарлайды KAZ.NUR.KZ.

Қасым-Жомарт Тоқаев (жоғарыда), Андрей Антоненко (төменде), 1970 жыл. Қазақстандық дипломаттар нью-йорктік Бродвейде, 2008 жыл. БҰҰ бас Ассамблеясы сессиясынан кейін. Фото: kp.kz

Қасым-Жомарт Тоқаев (жоғарыда), Андрей Антоненко (төменде), 1970 жыл. Қазақстандық дипломаттар нью-йорктік Бродвейде, 2008 жыл. БҰҰ бас Ассамблеясы сессиясынан кейін. Фото: kp.kz

Антоненконың сөзінше, ол Тоқаевпен мықты ұстаздар құрамымен және атақты түлектерімен танылған 25-ші мектепте білім алған.

Мемлекет басшысының замандасы президенттің мектепте соңғы партада отырғанын еске алды. Алайда, оның себебі ұстаздардан жасырыну емес, бойының ұзындығы болған екен. Себебі, ел басшысының бойынан көптеген сыныптастары тақтадағы жазуды көре алмаған.

Сонымен қатар, Қасым-Жомарт Тоқаев мектептегі "Молодые побеги" қабырға газетін дайындауға қатысып, "Историческая победа" сынды мақала да жазған.

Одан бөлек, болашақ президент түрлі көрмелерде, олимпиада мен жарыстарда бой көрсеткен.

Фото: kp.kz

Фото: kp.kz

Көптеген сайыстарда алғашқы орындарды еншілеген Тоқаев "КСРО спорт шеберіне үміткер" де болған.

Қазіргі президент жасөспірім кезінде музыкаға да қызыққан екен. Болашақ саясаткер бала кезінен алматылық "Жетіген" тобының музыканттары Сағынай Абдуллин мен Әлібек Дінішевпен дос болыпты.

Мектеп қабырғасында Қасым-Жомарт Тоқаев "Кешіріңдер, жағдайлар сәйкес келмеді" деген сөздерді көп айтқан. Әсіресе, бұл жауапты қыдыруға шақырған достары көп естіген екен.

Фото: kp.kz

Фото: kp.kz

Антоненконың ойынша, Тоқаев бәрінен бұрын есейіп, өз уақытын білімге көп арнаған.

Алайда, мектеп қабырғасында еш тентектік болмады деуге негіз жоқ. Себебі, олар кейде тақтаны сабынмен сүртіп, ұжымдық кештер ұйымдастырған.

Сіздің реакцияңыз
5
0
0
0
1
7
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel