RU
Жеті айынан тарихты зерттейтін үш жасар павлодарлық бүлдіршін Галкинді таңғалдырды
Жаңалықтар Қоғам

Жеті айынан тарихты зерттейтін үш жасар павлодарлық бүлдіршін Галкинді таңғалдырды

Рассказать Вконтакте

Павлодарлық Макар Щербаков ресейлік "Лучше всех" бағдарламасына қатысып, көпшілікті ерекше қабілетімен тәнті етті. Жеті айынан бастап, тарихты зерттеп келе жатқанын айтқан үш жасар балақай Максим Гакинді таңғалдырған деп жазады KAZ.NUR.KZ.

Фото: жеке мұрағаттан

Фото: жеке мұрағаттан

Павлодар тумасы кішкентайынан жер мен ғаламшардағы тіршіліктің пайда болуына асқан қызығушылық танытқан.

Дарынды баланың анасы танымал бағдарламаға шақырту алу күтпеген тосын сый болғанын айтады. Лилия Ушакова ұлына жеті айынан бастап кітап оқыған. Сол себепті, бүгінде Макар кітаптарды жанындай жақсы көреді.

Оның екі жасына дейін ата-анасы мейрамдарға сыйлық таңдаудан қиналмаған. Өйткені, бүлдіршін үшін кез келген жаңа энциклопедия үлкен сыйға тең болған.

Фото: жеке мұрағаттан

Фото: жеке мұрағаттан

Макарға көбінесе ежелгі дәуір мен жердегі тіршіліктің пайда болуы туралы оқыған. Балақай жаңа мәліметтерді ести сала, бірден әкесіне барып айтып беретін болған. Лилия ұлының ерекше сәтін бейнекамераға таспалап алады.

"Түсірген видеомды тек үш айдан кейін бағдарламаға жібердім. Бізге ертесіне қоңырау шалды. Онымен алдымен Skype арқылы менеджер, кейіннен режиссер сөйлесті. Нәтижесінде, бізді бағдарламаға шақырды" , - деп есіне алды Лилия Ушакова.
Фото: жеке мұрағаттан

Фото: жеке мұрағаттан

Бағдарлама басшылығы павлодарлық отбасыға ұшаққа билет жіберіп, түсірілім уақытында Мәскеуде тұратын пәтерді төлеп берген. Ерлі-зайыптылар ұлының ерекше қабілетін көпшілікке паш етпек болып, Ресейге аттанған.

Фото: жеке мұрағаттан

Фото: жеке мұрағаттан

Айта кетерлігі, түсірілім алдында мүлде дайындық болмаған. Лилияның сөзінше, жоба авторлары үш жасар баланың шынайы эмоциясын көргісі келген.

Фото: жеке мұрағаттан

Фото: жеке мұрағаттан

Бағдарлама барысында бүлдіршін бағдарлама жүргізушісі Максим Галкинге бір сөзді қайталай беретінін бетіне басып, олай айтуға болмайтынын ескерткен. Артынан балақай жерде алғаш пайда болған адамдар мен динозаврлар туралы айта бастаған.

Макардың анасы әлемде талантты адамдар өте көп болғанымен, олардың көбісі өз қабілетін паш етуге асықпайтынын жеткізді.

Сіздің реакцияңыз
0
0
0
0
0
4
0
Спасибо за Ваше мнение Вы уже голосовали
Тағы да оқыңыздар
Жүктеу...
Пікір
Mailfire view pixel