RU

Желіде есірткі жарнамалаған Нұр-Сұлтан тұрғындары тұтқындалды

Нұр-Сұлтанда есірткі саудасымен айналысатын интернет-сайттарды жарнамалады деген күдікпен үш азамат тұтқындалды. Бұл туралы елордалық полиция департаментінің баспасөз қызметі мәлімдеді деп хабарлайды KAZ.NUR.KZ.

Тұтқындалғандар. Фото: Нұр-Сұлтан ПД баспасөз қызметі
Тұтқындалғандар. Фото: Нұр-Сұлтан ПД баспасөз қызметі: Twitter

Хабарламада тәртіп сақшылары 30 бен 32 жас аралығындағы үш ер адамды тұтқындағаны туралы айтылды. Олар есірткі сатып алуға болатын интернет-сайттарды жарнамалағаны үшін күдіктеліп жатыр.

Тұтқындау кезінде астаналықтарда өзімен бірге трафарет пен бояуы бар аэрозольді баллондар болғаны анықталды.

Тұтқындалған тұрғындар әкімшілік кодекске сәйкес жауапкершілікке тартылды.

Мақаланың түпнұсқасы: https://kaz.nur.kz/1793390-zelide-esirtki-zarnamalagan-nr-sltan-trgyndary-ttkyndaldy.html