RU

Нұр-Сұлтанда автобус бағдаршамның қызыл түсіне өтіп, екі адамды қағып кетті

Нұр-Сұлтанда автобус жүргізушісі бағдаршамның қызыл түсіне өтіп, жолдан өтіп бара жатқан екі адамды қағып кетті деп хабарлайды AstanaLRT-ға сілтеме жасаған KAZ.NUR.KZ.

Фото: Asiya Manakhbayeva, facebook
Фото: Asiya Manakhbayeva, facebook: UGC

Жол апаты туралы қала тұрғыны Асия Манакбаева Facebook желісіндегі парақшасында жазды.

Оның сөзінше, 12 мамыр күні таңғы сағат 8 шамасында автобус жаяу жүргіншілер жолағында қызы мен тағы бір адамды қаққан.

Манакбаева қоғамдық көлік бағдаршамның қызыл түсіне өткенін айтты.

Астаналық тұрғын, қызының ауыр жарақат алғанын да алға тарты.

Фото: Asiya Manakhbayeva, facebook
Фото: Asiya Manakhbayeva, facebook: Getty Images

AstanaLRT жол апаты фактісінің тіркелгенін растады.

Компанияның хабарлауынша, 12 мамыр күні 07:52-де Қабанбай батыр көшесінде №21 маршруттың жүргізушісі бағдаршамның рұқсат етілмеген түсінен өтіп, екі адамды қағыпты.

"Оқиға орнына полиция қызметкерлері келіп, жүргізушінің үстінен хаттама толтырды", - деді компания.

Мақаланың түпнұсқасы: https://kaz.nur.kz/1793468-nr-sltanda-avtobus-bagdarsamny-kyzyl-tsine-tip-ek-adamdy-kagyp-ketti.html