RU

Нурмагомедовтың таяуда спорттағы мансабын аяқтайтыны рас па? (видео)

Хабиб Нурмагомедов жақын арада спорттағы кәсіби мансабын аяқтауы мүмкін. Ол бар-жоғы үш жекпе-жек өткізіп, UFC әлемімен қош айтыспақ. Танымал спортшының болашаққа жоспары жөнінде әкесі әрі бапкері Абдулманап Нурмагомедовтің өзі айтып берген деп хабарлайды YouTube желісіндегі OсtagonTV арнасына сілтеме жасаған KAZ.NUR.KZ.

Фото: facebook.com/KhabibTheEagle
Фото: facebook.com/KhabibTheEagle: Facebook

Хабибтің әкесі ұлы сәтті үш жекпе-жегінен кейін үлкен спорттан кетуді жоспарлап отырғанын жеткізді.

Анықталғандай, Нурмагомедов мансабын барынша жақсы нәтижемен аяқтауды қалап отыр. Оған қоса, Хабиб 30 жекпе-жек бойы жеңіліс таппаған спортшы атанғысы келеді екен.

Еске сала кетейік, ресейлік спортшының келесі кездесуі жетінші қыркүйек күні болады. Бұл жолы ол америкалық Дастин Порьеге қарсы шықпақ. Екі спортшының жекпе-жегі Әбу-Дәбиде өтетін UFC 242 турнирінің басты кездесуі болмақ.

Сонымен қатар, Абдулманап Нурмагомедов ұлының танымал файтер Тони Фергюсонмен жұдырықтасқанын қалайтынын айтты.

Мақаланың түпнұсқасы: https://kaz.nur.kz/1793727-nurmagomedovty-taauda-sporttagy-mansabyn-aaktajtyny-ras-pa-video.html