RU

Алматыда сүйіктісімен аймаласқан троллейбус жүргізушісі видеоға түсіп қалды

Троллейбус жүргізушісі мен оның сүйіктісінің әрекеттерін қоғамдық көліктегі камера түсіріп алған. Бұл әрекеттер бойжеткен қоғамдық көлікті жүргізіп келе жатқанда болған деп хабарлайды KAZ.NUR.KZ.

Алматыда сүйіктісімен аймаласқан троллейбус жүргізушісі видеоға түсіп қалды
Фото: Видеодан скриншот: Facebook

Видео Instagram-ғы "kris_p_brothers_official" парақшасында жарияланды.

Жүргізуші мен жігітінің аймаласқан сәтін троллейбус салонындағы камера түсіріп алған.

"Кешірім сұраймыз. Қазір қызметтік тергеу жүргізіп жатырмыз", - деді "Алматыэлектротранс" өкілдері.

Бұл видео әлеуметтік желіде жылдам тарап, алматылықтардың ашуын тудырды.

InAlmaty мәліметінше, компания аталмыш фактіні растады. Қызметтік тергеу жүргізіліп, жүргізуші тәртіптік жазаға тартылатынын уәде етті.

Компания бұл роликтің кейіпкерлері ерлі-зайыптылар екенін атап өтті. Алайда бұл жүргізушінің жазасын жеңілдетпейді.

Басылымның жазуынша, тексеріс кезінде жүргізуші жіберген бірқатар тәртіп бұзушылықтар анықталған.

Мақаланың түпнұсқасы: https://kaz.nur.kz/1793831-almatyda-sjiktisimen-ajmalaskan-trollejbus-zrgizusisi-videoga-tsip-kaldy.html