Маңғыстау облысында нөсер жаңбыр елді мекенді Венецияға айналдырды (фото, видео)

Маңғыстау облысы Түпқараған ауданында орналасқан ауылдың бірінде су тасқыны болды. Табиғат апатынан зардап шеккендер жоқ деп жазады Lada.kz-ке сілтеме жасаған KAZ.NUR.KZ.

Маңғыстау облыстық төтенше жағдайлар департаменті баспасөз қызметінің хабарлауынша, су тасқыны Таушық ауылында 15 мамыр күні болған.

Ведомство 16.10 шамасында ауыл әкімі табиғат апаты туралы хабарлағанын жеткізді.

"Тоқтаусыз жауған жаңбыр салдарынан Таушық ауылының аумағында арық пайда болған.

Алдын ала ақпарат бойынша, табиғат апатынан бүлінген, құлаған үйлер жоқ. Зардап шеккендер туралы да ақпарат түспеді", - деді төтенше жағдайлар департаментінің баспасөз қызметі.