RU
Тоқаев Ақордада Армения президентімен кездесті (фото)
Жаңалықтар Саясат және экономика

Тоқаев Ақордада Армения президентімен кездесті (фото)

Рассказать Вконтакте

Мемлекет басшысы Қасым-Жомарт Тоқаев Армения президенті Армен Саркисянмен кездесті деп хабарлайды Ақорда.

Армен Саркисян, Қасым-Жомарт Тоқаев. Фото: Ақорда

Армен Саркисян, Қасым-Жомарт Тоқаев. Фото: Ақорда

Қазақстан президенті Армения басшысына Астана экономикалық форумына қатысуға келгені үшін ризашылығын білдіріп, екі ел арасындағы ынтымақтастық мәселелеріне тоқталды.

"Қазақстанда армян ұлтының өкілдері өзге этностармен жарасымды өмір сүріп, еліміздің әлеуметтік-экономикалық дамуына зор үлес қосып келеді. Екіжақты ынтымақтастықтың бастауында Тұңғыш Президент – Елбасы Нұрсұлтан Назарбаев тұр.
Сол кісінің идеясының негізінде құрылған Еуразиялық экономикалық одақ аясындағы ынтымақтастығымыз да артып келеді. Сонымен қатар БҰҰ сияқты ғаламдық, Ұжымдық қауіпсіздік шарты ұйымы сынды аймақтық ұйымдарда да ұстанымымыз жақын", – деді Қасым-Жомарт Тоқаев.
Фото: Ақорда

Фото: Ақорда

Армен Саркисян тараптардың экономикалық байланысын арттыруда Астана қаржы орталығының маңызы зор екенін айтты.

"Біз халықаралық ұйымдар аясында да, екіжақты қарым-қатынаста да ынтымақтаса жұмыс істеп келеміз. Астана қаржы орталығының құрылуы екі ел арасындағы экономикалық байланыстарды одан әрі дамыта түсетініне сенемін", – деді Армен Саркисян.

Тараптар екі ел арасындағы сауда айналымының өткен жылы 30 пайызға артқанын атап өтіп, алдағы уақытта осы бағыттағы ынтымақтастықты кеңейте беруге уағдаласты.

Сіздің реакцияңыз
2
1
0
0
0
0
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel