RU
Түркістанда ауыз суды әжетханадан тасып ішетін тұрғындар мұңын шақты (фото)
Жаңалықтар Қоғам

Түркістанда ауыз суды әжетханадан тасып ішетін тұрғындар мұңын шақты (фото)

Рассказать Вконтакте

Түркістан қаласында 1 шағынаудандағы №14 отбасылық жатақхана іспеттес үйде тұратын халық азаптан арылмай келеміз деп ашынды. Жыларман халге түскен тұрғындар өңір басшысы Өмірзақ Шөкеев пен президент Қасым-Жомарт Тоқаевтан көмек сұрады деп хабарлайды өңірдегі KAZ.NUR.KZ тілшісі. 

Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

Тұрғындардың сөзінше, олар әр қабаттағы жалғыз ғана әжетханада қажеттерін өтеп жүр екен. Ал бұрындары әжетханаға бару үшін аулаға шығуға мәжбүр болып келген.

Ең сорақысы, ауыз суды әр қабаттағы бір әжетхана бөлмесінен тасып ішеді.

Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

«Қазіргі заманда қай адам әжетхана суын тасып ішеді» деп мұңын шаққан тұрғындар подеъзге кіре сала электр желісінің сымдары салбырап, ары-бері өткен балалар токқа түсіп жазым бола ма деп уайымға салынатындарын да жеткізді.

«Мына сымдар мынау, шимасып жатыр... Біз подъезде 22 баладан бар. Жүгіріп жүріп жазатайым болып қала ма деп қорқамыз... Биыл мына сымдарды қоршап береміз деген. Жоқ, келмеді. Кімге баратынымызды білмейміз», - деді тұрғындар.
Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

Әжетханадан тасып ішетін ауыз суға мұндағы әрбір тұрғын 600 теңге төлеуі тиіс екен.

«Бақшасы барлар онша қаржы төлемейді ғой» деген халықтың тағы бір мұңы - үйдің жөндеу жұмыстары. Мердігер компания жұмысты бастағанымен, аяқсыз қалдырыпты.

Мұны қалалық құрылыс бөліміндегілер де растап отыр. Бас маман Қазыбек Бөкебаевтың айтуынша, мердігер компания үйдің әрлеу жұмыстарын өткен жылдың қараша айында өткізуі тиіс болыпты. Бірақ, алты ай өтсе де аяқтар емес.

Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

Кіре-берісте салбырап тұрған сымдарды жабу мен еденге кафель төсеуді мердігер компания өз қаржысына жасап беремін деп уәде етіпті. Бірақ, ол уәде қашан орындалатынын нақты ешім айта алмады.

Ал ауыз су мәселесіне келсек, тұрғындардың талабы - ауыз су әр үйге жеке-жеке жүргізілсе.

«Ақшасын төлеуден де қашпаймыз» деген олар мәселеміз шешілмейінше тынышталмаймыз деп бекініп отыр. Ендігі жерде облыс әкімі Өмірзақ Шөкеевке кірмекші.

Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

«Айтып жатырмыз, жоғарыға дейін шағымданып жатырмыз. Шөкеевтің алдына барғым кеп отыр. Бас кеспек болса да, тіл кеспек жоқ. Сол кісінің алдына барып мұң-мұқтажымызды айтамыз. Басқа ешқандай амал қалмады ғой. Одан нәтиже шықпаса, елордаға барамыз. Тоқаевқа тікелей шығамын», - деп ашынды тұрғын Баян Қожабекова.
Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

Өкініштісі - жауаптылардың айтуынша, мұнда ауыз суды жеке-жеке жүргізу мүмкін емес.

Себебі бұл үй о баста жатақхана есебінде салынғандықтан техникалық жағы қарастырылмапты.

Ал тұрғындарға су жеткізуші мекемедегілер "ауыз суды үйге тартып аламыз десеңіздер, оны өз қаржыларыңызға жасайсыздар" деп кесіп айтыпты. 

Түркістанда ауыз суды әжетханадан тасып ішіп отырған тұрғындар мұңын шақты (фото)

Фото: KAZ.NUR.KZ

Сіздің реакцияңыз
4
1
0
2
1
0
0
Спасибо за Ваше мнение Вы уже голосовали
Тағы да оқыңыздар
Пікір
Mailfire view pixel