Қостанайда төртінші қабаттан арқанмен түспек болған 80 жастағы әжей көз жұмды

Қостанайда 80 жастағы әжей көпқабатты үйдің төртінші қабатынан арқан арқылы түспек болып, құлап кеткен деп хабарлайды Костанайские новости-ге сілтеме жасаған KAZ.NUR.KZ.

Көрнекі фото: amurmedia.ru

Облыстық полиция департаментінің баспасөз қызметі оқыс оқиғаны растады.

23 мамырда Маяковский көшесінен денесінде зорлық белгілері жоқ әйел адамның денесі табылған.

80 жастағы әжей ұлымен бірге үйдің 4 қабатында тұрған. Сырқаттанып жүрген.

Анықталғандай әжей далаға терезе арқылы шықпақ болған. Ол үшін қарт кісі жеке киім-кешектерден жасалған арқанды пайдаланған екен.

Бұл уақытта зейнеткердің ұлы жұмыста болыпты.

Қазіргі уақытта оқиғаға қатысты тергеу жұмыстары жүргізілуде.